BLOGGER TEMPLATES - TWITTER BACKGROUNDS

الأربعاء، 13 يناير، 2010

؟!


خمري هو لون البشرة

حمراء الجفن والشفه

صفراء الغيرة الملتهبه

بيضاء القلب والجبهه

حين يدوس القدم الارض
يخضر اليابس والعشب

وحين تكون حزينة يسود
اللون الاسود على كوني

وردي هو لون خدود
كالعنب على العنقود

وتزداد سمائي زرقتها
حين تزور بسمتها وجودي

هي لوحة اتحدى بها كل الافنان

هي عزف يطرب به قلبي بكل زمان

هي لحن ادندنه وقت الاحزان

هي اشهى من كل طعام

وابهى من كل الالوان

هي ارقى من الف عزف

وهي صوت كل انغامي

الأربعاء، 6 يناير، 2010

Tala

  • حبيبتي .. لا حبيبتي مش كفاية وعلى طول بحسها قليلة عليكي وبحس لما اقولها اني بردد كلام عتيق قوي
بدأ العجز ومش هعرف اوصفك ازاي

طيب نمشيها .. كياني او شرياني او دمي
او نن عين قلب دانا والشريان الاورطي والجهاز الهضمي كله :D شكلي هقلب على فيلم كتكوت خلاص هسكت

بقالي ساعات بحاول اكتب لك حاجة ومش عارفة .. وأكيد السبب مش ملل او زهق او لاني خلاص مش قادرة اعبر لك عن حبي

ثواني وهرجع ........


قطعت الموضوع بعتذر حبيبتي .. بس انتي قومتيني علشان الدبانه اللي كانت بترخم عليكي :D

المهم (ومفيش اهم منك طبعا) نرجع لموضوعنا

انا ياست قلبي مش قادرة اعبر لك عن مدى سعادتي بوجودك معايا ولا لاقيه كلام ممكن يوصف ولو 5.% عن حبي ليكي وعشقي وهيامي وغرقاني في بحورك اللي عمري ما اتمنيت اني اغرق في غيرهم

تالا ..
لو احلف لك بكل الكتب السماويه وبكل حبات الرمال اني بعشق كل حاجة فيكي ولو كتبت لك من نقط دمي قصايد فيكي مش هقدر اوصف حبي برضه

لو اعيش كل ثانية باقيه من عمري تحت رجليكي مش هيكفيني برضه وهحتاج الف عمر وعمر ابقى فيه جنبك

انا عمري ماعرفت الحب الا لما اتعرفت بيكي
عمري مادقت الفرح من ايد غيرك
انا من قبل ما اعرفك كنت مجرد اسم على شهادة ميلاد وبعد ماعرفتك بقيت انسانة ليها ملامح

تالا ..
انتي كل حاجة بتمناها من الدنيا وكل اللي كنت بحلم بيه
وأنا عارفة اني بزعلك كتير واني عصبية وبضايقك كتير وبزعل مني اجمل عيون بس مش عارفة ليه بعمل كدة
عموما مش هدخل في موضوع الزعل ده مش طالبة نكد :D

عمري .. لو تعرفي مدى سعادتي بيكي ممكن تبكي من فرحتك بسعادتي بيكي وتتاكدي ان مفيش حاجة ممكن تسعدني اكتر منك
لو تعرفي ان كل الضغوط اللي عشناها سوا والمشاكل الكتير اللي دخلناها خلوني اتمسك بيكي اكتر واحارب الكون علشانك
لو تحسي نبضات قلبي اللي بتقف كل مابتبعدي عني هتبطلي حتى تدخلي تغسلي وشك من غيري
أنا بحبك بكل ماتحمل الكلمة من معاني

فاكرة مرة سالتيني كان نفسي ابقى ايه لما اكبر
تعرفي انا حاليا نفسي ابقى ايه؟
انا هقولك
نفسي ابقى ضلك نفسي ابقى شمسك نفسي ابقى عطرك نفسي ابقى فرشك

مش عارفة اقول ايه

الافضل في الحالة دي هو الصمت التام :)

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

اهداء ليكي


أ يا أمراءه غارت منها قبائل وعصور

أ يا امراءة غلب صوتها صوت العصفور

أ يا امراه غلبت قلبي

وحكمتني

وجعلتني ادور .... في سماها ادور

********

اطحني عضلاتي بأحضانك

وآسري قلبي في اوطانك

واجعلي مني خادم ليديك

يفعل كل ما ياتي ببالك

********

أؤمري قلبي بكل مايشتهي قلبك

اغفي في عيوني واجعلي رمشي فرشك

انتي قمري وانا سأكون لكِ شمسك

وانا اعلم كل العلم اني لن احيا بدون قمرك

********

ياغناء ربيع مشتاق لندى الزهور

ويامن اهدى لقلبي جناحي عصفور

اني احبك حبا يعلم رب الكون

انه لن يتقارن بحرير وقصور

********

يا أمراة احيا من عضل قلبها قلبي

ومن نور عينها انير دربي

أنا بدونك اطوف في دنيا الخيال وحيد

هائم لا اعرف لي مقصد

ولا اعرف اذا كنت تائه ام شريد

********

انا يا امراتي في كوني

صغير الحجم اكاد لا ارى

وبيديكي مولاتي اكون عظيم الشأن وتكون لي مقدرة

فمدي لي يدى الحب والقيها

على قلبي ليحيا ..ثم انسيها

فبعد ان اكون وتكوني لي

سأنسى بكِ الدنيا ومافيها

********

حبيبتي انتي مولاتي

اميرة على قلبي وعلى عقلي

يامن كافئني بها الله

فكيف اكافئك ياقلبي

********

املئي قلبي بحبك

واضيئي عيني بحسنك

واجعلي مني قرينك

كي اكون دائما بقربك

********

انا امامك اعجز عن النطق

فأي حروف توصفك واي نحو

يا امراة لها خلقت قواميس العشق

لتوصف فيها من نثر ومن شعر

********

اميرتي

ألقي علي بتعويذة النسيان

لانسى من انا ومن اكون

واتذكر فقط لحظة الغفران

لحظة اقتراني بتلك العيون .

********

الخميس، 31 ديسمبر، 2009

2010

كل عام وانتي معي
رفيقة الدرب الطويل

كل عام وانتي معي
تفتحين لي ابواب جديدة لم تكن موجودة من قبل
ترسمين لي لوحات من عقود الياسمين


كل عام وانتي معي
تنحتين البهجة على شفتي
وتلونين لوحات الانين

كل عام وانتي معي
مثل ظلي ترافقيني
في كل مكان التفت اليه فيه تكونين

كل عام وانتي معي
لتنسيني مرار السنين

كل عام وانتي معي
ياهدية الخالق العليم

كل عام وانتي معي
لاحتفل بكِ لا معكِ
بقدوم العام الجديد

الاثنين، 29 يونيو، 2009

قريباً ..